Өчигдөр нэг таньдаг хүний хэлсэн үг өөрөө өөртөө дүгнэлт хийх хэрэгтэйг ойлгуулах шиг санагдлаа. Би тэр үгнээс болж шөнө ч унтаж чадсангүй. “Чи өөрийгөө ухаантай гэж боддог ш дээ” гэж хэлэхэд надад ямар хэцүү санагдаж байсан гэж санана. Яагаад ч юм дотогшоо нэг л сонин гэмээр мэдрэмж “арзагнаад”, нулимс минь эрхгүй гарах гээд гомдоод явчих шиг санагдсан. Ажил дээр байсан болохоор арай хийж л нулимсаа дотогшоогоо залгисан. “Шууд тэнэг” гээд хэлчихсэн бол би ийм хүндээр тусгаж авахгүй байсан байх л даа. Энэ үг надад би бусадтай их буруу харьцдаг болохыг, би буруу тийшээ явж байгааг басхүү “чи одоо хэн ч биш байгаа шүү” гэсэн дохиог өгөх шиг санагдсан л даа. Гэхдээ тэр хүнээс би тэр үгийг өөр нөхцөлд, арай өөр ярианы nuance.д сонсосон бол тэгж их хүндээр тусгаж авахгүй байсан байх л даа. Бас тэгэж хэлсэн хүн нь өөрөө надад их чухал хүн биш байсан бол тэр үг надад их хүнд тусахгүй ч байсан байж болох л юм. Хамгийн гол нь тэр хүний хэлсэн үгнээс би, миний бие авч яваа байдал, хүнтэй харьцдаг харьцаа, үг хэл, хүсэл сонирхол маань намайг эмэгтэй хүн гэж харагдуулдахаасаа илүү “адаар зантай хүйтэн зүрхт” шиг болгодог шиг санагдсан.
Гэхдээ өөрийн гэсэн бодолтой зорилготой хүсэл тэмүүлэлтэй, эрчүүдтэй ижилхэн байр суурьтай байхыг хүсдэг, “тэнэг ч гэсэн” өөрийн үзэл бодлыг хамгаалахын тулд “махарч” чаддаг, биеэ даасан байхыг хүсдэг эмэгтэй эсрэг хүйстэнээрээ зүгээр л эмэгтэй хүн гэдэг утгаараа хайрлуулах хувиар дутах ёстой байдаг гэж үү. Эмэгтэй хүн гэхээрээ заавал сул дорой байх ёстой юм гэж үү.
Хөөрхий дөө миний зорилго, хүсэл тэмүүлэл, үзэл бодол бусдын хувьд “инээдтэй” өчүүхэн байж, “үзэл бодол зорилго ч бол доо” гэж хэлэхээр байж болох ч, би тэнэг дөргүй бух шиг зүтгэдэг ч гэсэн тэр болгон минь наддаа л үнэ цэнэтэй байвал болоо биш гэжүү.
Би чинь эмэгтэй хүн шүү дээ …. Зүгээр л хайрлуулахыг хүсдэг. Хүн эрийн цээнд хүрч том болсон ч ээждээ духаа өгөөд үнсэлүүлэхдээ нялхардаг, бас баярладагтай л адилхан.
Гэхдээ би одоо өөртөө дүгнэлт хийлээ гээд ч яах юм билээ.
Эсрэг хүйстэнээрээ хайрлуулахын тулд заавал эмзэг туяхан, бусдын үгийг хүлээн зөвшөөрдөг, өөрийнхөөрөө шийдвэр гаргахыг хүсдэггүй болж жүжиглэх хэрэгтэй юм гэж үү !!!!!!!!!!!!!!!
Тэгэхээр “Би хэн вэ?”. Би зүгээр л эмэгтэй л хүн.
Би өргөстэй харгана байлаа гэхэд
Өшиглөж хугачихынхаа оронд
Эвтэйхэн шиг ишнээс нь бариад
Өнгийн шар цэцгийг онцгойлон ажиж болохгүй гэж үү
Гэхдээ яаалаа ч гэсэн тэр харгана харганаараа л үлдэнэ.
3 comments:
Oogiigiin blogiig neej unshih burt minii zurh urgelj dogdoldog gedgiig chi medeh uu,uchir ni zuvhun saihniig olj hardag bolohoor... . Nas ue tengiin bas hediinees biye biye meddeg,busgui hunii nuutsaa uudlan yarij hurtel baisan ter saihan muchuud mini huvid hezee ch martagdahgui ee. Magadgui adilhan eejiigee zuudendee duudaj, uulzaj bayarladag baij ch boloh yum. Hezee negen tsagt *Stupa* gedeg jijighen bolovch gereltei saruul ter negen cafe-d humuus sonsuul shoolmoor muruudul yariad suuj baihdaa bi chamd itgej baisaan. Ter muruudul maani eh orniihoo sain saihnii tuluu baisan geed bodohoor buur saihan... Unuudur chinii blogiig unshaad ter muruudluus iluu saihan zuil chamaig huleej baigaag oilgoloo.
Harin bi yag ter kafed bolson yariagaa odoo hurtel setgeldee teegeel chadah chineegeeree uragshilj l bna.Bid emegtei humuus bailaa geed busdaas hatuu ug sonsoh hemjeend baigaa bol amid baigaagiin mini une tsene ter. Hun chamd hatuu ug helj bna gedeg muu zuil bishee, chi chadna hicheegeerei.
Love
Sain uu my naiz. Bayarlalaa. Chamtaigaa blogoor l uulzdag boljee.
Chamdaa ch gesen amjilt xusiye
My Dear Honest
Bi chamaaraa baxarxadag shuu. Shildeg oyutan mini xexe
Post a Comment